Blog de Ciencias Sociais IES A Sangriña

POBOAMENTO RURAL

TIPOS DE POBOAMENTO

O poboamento rural comprende, en sentido amplo, as poboacións menores de dez mil habitantes. Os núcleos de dous a dez mil habitantes poden considerarse semiurbáns. Hai dous grandes tipos de poboamento rural: disperso, no que a casa rural está rodeada de campos de cultivo, bosque ou prados e separada doutras casas; e o concentrado, cando as vivendas se dispoñen unhas xunto a outras, sen relación coa localización das respectivas terras de cultivo, pasto ou bosque. A modalidade de poboamento disperso intercalar consiste nunha dispersión de casas a partir de primitivos núcleos de poboación concentrados, cos que todas as casas manteñen relacións relixiosas, sociais e administrativas ou comerciais.

A) Concentrado - B) disperso - C) Intercalar

VIVENDA RURAL.

Existe unha gran variedade de vivendas rurais tradicionais. Polos materiais empregados na construción, normalmente os que abundan na zona, atópanse:

- Casas de pedra, en Galicia, Montes de León, Asturias, Perineos, Estremadura e Baleares

- Casas de madeira tramada, nas que a estrutura se proxecta ó exterior e se enchen con mampostería ou ladrillo. No País Vasco, A Alcarria (Guadalajara, Castela-A Mancha) e na provincia de Segovia (Castela-León).

- Casas de barro, mesturado con palla, en forma de adobe: Gran parte da meseta, vales do Douro e Ebro, e horta de Valencia (barracas)

Pola distribución dos espazos nas casas, en función das actividades agrarias e de vivenda, distínguese:

A casa-bloque, con todas as dependencias baixo o mesmo teito: o caserío vasco, a casona asturiana e cántabra. A casa composta, integrada por varios edificios en torno a un patio interior pechado ou composto, como a masía catalá e o cortijo andaluz.

ARQUITECTURA POPULAR GALEGA

Neste vídeo do Proxecto Terra podes adentrarte na tipoloxía das vivendas rurais galegas e nos materiais construtivos empregados.

Accede á páxina do Proxecto Terra para visualizar outros vídeos sobre arquitectura popular galega.

POBOAMENTO URBANO

AGLOMERACIÓNS URBANAS

Área metropolitana. Formada por unha cidade principal (metrópole) e vilas administrativamente independentes (cidades satélite) entre as que existen importantes relación económicas e sociais (París, Londres, Madrid...)

Principais conurbacións en España

Conurbación. É un conxunto de cidades próximas e fisicamente unidas formadas por un crecemento paralelo nas que no destaca un núcleo principal. Ex. Liverpool-Manchester en Gran Bretaña, Rotterdam e Amsterdam nos Países Baixos

Megalópoles. É un área urbana formada pola sucesión de diversos tipos de aglomeración: cidades, área metropolitana, conurbación. Destacan as da costa nordeste dos EEUU desde Boston a Washington e a rexión de Toquio no Xapón.

TOKIO: EXEMPLO DE MEGALÓPOLE

CIDADES ABANDONADAS

TIPOS DE PLANOS URBANOS

Os espazos construídos e a disposición dos edificios configuran distintos planos urbanos:

Plano ortogonal ou hipodámico: Predominan as líñas rectas no trazado das rúas que se cortan perpendicularmente formando cuadrículas. A orixe deste plano remóntase á antiga Grecia sendo Hipódamo de Mileto quen organizou o crecemento desta cidade segundo este plano ordenado.Plano radiocéntrico organizase en torno a un punto central desde onde parten as rúas principais en forma de radios. Outras rúas dispóñense en forma de círculos concéntricos. A súa orixe adoita ser medieval nacidas ó redor dunha praza, un castelo ou unha igrexa. O trazado das grandes vías circulares correspóndese xeralmente co trazado das sucesivas murallas construidas en cada época.Plano lineal: as rúas trázanse de forma perpendicular a unha vía de circulación importante. Seguen este plano as cidades orixinadas ó longo do Camiño de Santiago e ensanches planificados como a Cidade Lineal de Madrid.Plano irregular: as rúas son estreitas, sinuosas e laberínticas, sen planificación previa. O trazado é irregular con rúas de diferente anchura, moitas veces sen saída (adarves). Esta disposición obseévase frecuentemente nos cascos antigos das cidades.

ESTRUTURA URBANA

O espazo urbano é resultado do desenvolvemento histórico. Diferencianse os seguintes espazos:

- Casco antigo. É a parte da cidade urbanizada desde a súa orixe ata a industrialización na que se sitúan os edificios históricos relixiosos e civís. O plano soe ser irregular e a trama densa, con recinto amurallado.

- Ensanche. É a area urbana correspondente á ampliación das cidades desde a industrialización ata mediados do século XX. O plano é regular, sepárase do casco histórico por rondas (rúas amplas que ocupan o lugar da antiga muralla) e concibíronse como áreas residenciais destinadas fundamentalmente á burguesía.

- Periferia. É a parte da cidade correspondente ó crecemento demográfico da 2ª metade do XX. É un sector moi heteroxéneo pois inclúe areas residenciais destinadas a distintos grupos sociais, áreas industriais, áreas de equipamento ou servizos.

CIDADES DO FUTURO

No 2050, o 75% da poboación vivirá en grandes urbes. As smarts cities ou cidades intelexentes estarán controladas pola tecnoloxía e o uso sosteñible da enerxía. Nesta reportraxe realizada polo progrma de TVE Informe Semanal recóllense algíns espazos urbanos onde a renovación de infraestruturas permitiu desenvolver solucións para axilizar o trafico e determinados servizos.
Smart city: cidades do futuro

MORFOLOXÍA URBANA
É a forma ou aspecto externo que presenta unha cidade resultado da súa evolución deste a súa orixe ata as funcións que desempeña nun momento concreto. Na seguinte presentación recolle os aspectos máis interesantes a ter en conta para analizar a morfiloxía dunha cidade:

Morfoloxia urbana from javiercrespog

ACTIVIDADES

COMENTARIO DUN PLANO URBANO

Comentario del Plano Urbano from Isaac Buzo

PLANO DE VITORIA

Ver mapa más grande

Accede a un encrucillado sobre as cidades máis importantes da Historia desde este enlace
Actividades cidades